ف دنيا الفيس
======
ف دنيا الفيس بتتكشف حقايقنا
دا يعكر مزاج لينا ودي همسه تروقنا
ولو مره خفاف الدم ضايقونا
نكون حاظرين لمين قاصد يضايقنا
وفيه ع الفيس ماهوش مهموم
ولاف يومه يلاقي هموم
يكون ع الفيس بيأذي الناس
عشان هوه مالهش لزوم
وفيه ع الفيس عاوزله حبيب
يكون روحه دواه وطبيب
عشان قاسي كتير عمره
عاوز مره ف حبه يصيب
وفيه ع الفيس لناس فاضيه
وناس عامله كدا قاضيه
وناس تستني ليك غلطه
تنول ضربه كدا قاضيه
ف دنيا الفيس حبايبنا
وناس البعد غلبنا
وناس نشتاق كدا ليهم
لكن البعد غلبنا
ف دنيا الفيس مالكش ونيس
بتتسلي وتبقي حبيس
وتقرا الكلمه والكلمه
تعيش تايه مع احاسيس
ف دنيا الفيس دا جوه محيط
قلوب بيضه وغيرها حويط
بتتعامل كلام وحروف
وناس تانيه تقول شخابيط
وناس عاشقه كدا تتهان
وناس تانيه ماليها أمان
وناس عايشه كدا بوشين
وناس تانيه قلوبها حنان
وناس عايقه وناس رايقه
وناس م العيشه متضايقه
وناس عايشه مابين وبين
وناس للناس ماهيش فايقه
كلمات /محمد حسن فرغلي محمد
.png)
.png)
ليست هناك تعليقات:
إرسال تعليق