كان زمان
لمبه وبابور جاز
وفرن حطب أحسن
من مولد200فاز
كان زمان
خير كتير مايتعدش لاتقولي كهربا ولاغاز
أيام زمان
كُنا لمة وحزمة واحدة بتنور كل دار
كان فينا اللي يتعب يلقا من السند ألف جدار
كنا واحد ويد واحدة نورها يسرح في كل مدار
كان زمان
فيه المحبة والتقوي نور وإيمان
كُنا لما نسمع الشيخ يأذن
لصلاه الكل يجري حي على الفلاح
ومن بدري ساعة الفجرية يقوم الفلاح
على غيطة يزرع ويقلع يعمر في الغيطان
لجل ماالزروع بفروعها تطلع بطرحها يرتاح
والبيت من الخير يفرح
إنه بفضل الله وكرمه مليان و عمران
كان زمان
اللقمة بنقسمها سوي مابينا
كان فيه عندنا محبة لبعض وسماح
الله على زمان وأيامة
والكل بيغزل في أحلامة
الكل كان مبسوط
باللمة لما كانت مع بعض بتجمعنا
محمد وحسين وسلامة
مع بعض صحبة وكل شيء جميل
وله جوانا ألف معنا
الكل بيحكي وبيفرش بكلامة
حكاوي كتير حلوة مليانة غناوي
زمان
كانت أمي وأبويا معانا ملين علينا الدار
كانت فرحتنا بيهم سعتها مش سيعانا
والدنيا كلها مليانة خضار
مات أبويا ومن بعده أمي وسابولنا الوجع
يحكي في الجدران أسرار
راح الفرح والهنا كله كله ساب الدار
والحزن سكن بدلهم عشش في كل جدار
خلاص راح زمان
وراحت خلاص أيامه
واشتكت منا جدرانه
لزمانا اللي راح مشوار
وبقينا عن بعض بعُاد وكتمنا في العمر أحلامة
جوة قبور زمان
كان زمان وزمان كان وكان
بقلم عبد المنعم مرعي
.png)
.png)
ليست هناك تعليقات:
إرسال تعليق