كل لحظة يا حياتي
بقلمي الشاعر محمد عبد العزيز رمضان
انت أجمل ذكرياتي
انت عمر ما يتنسيش
يا حبيبتي أنا مش ناسيك
عمري كله يا عمري ليك
يا حياتي ما تبعديش
كنت ليا أجمل بداية
جوا قلبي كمان معايا
ليه تخافي ما تخافيش
انت ضيعت الأماني
ياما قلت كتير عشاني
مهما قلت ما تحلميش
يا سنين العمر عودي
نفس أحقق ليك وعودي
ليه عليا ما تسأليش
خنت أيوة وقلت خاين
كدبك أنت عليا باين
روحي عني وما تقوليش
إني ممكن أشتريك
إن عمري كله ليك
ابعدي ما تقربيش
نفسي ترجع يا للي غايب
أصل فيك يا حبيبي دايب
غيرك انت أنا مش هعيش
كنت فاكرك ليا راجع
بس زودت المواجع
كدبك أنت ما ينتهيش
آه بحبك بس خايف
خوفي بيبان ع الشفايف
يا حبيبتي ما تكدبيش
كنت بتمنى رضاك
كنت نفسي أعيش معاك
لا خلاص ما تصدقيش
إني هرجع ليك تاني
انت حد كتير أناني
دمعتك ما تكفنيش
.png)
.png)
ليست هناك تعليقات:
إرسال تعليق