بداية مش نهاية
أبدأ منين؟
والطريق مليان سِنين
والقلب تايه بين خوفٍ وأنين
قالوا الزمن بيغيّر
قلت لا اللي يغيّر إنسان صدّق إنه لسه إنسان ماحسبش عمره بعدد الوجوع
ولا تقول خلاص ده أنا ضيّعت الرجوع
في كل فجر سرّ جديد وفي كل نفس وعدٍ أكيد قوم حتى لو واقف العالم ضدّك
قوم لو حلمك اتكسر في حضنك
مش عيب تقع العيب تعيش مستني النهاية وأنت لسه فيك حياة وبداية
إفتح قلبك للنور
سيب اللي فات يعدّي في عبور
مش كل جرح علامة ضعف
بعض الجراح وسام شرف
واللي خلق الفجر من ليل طويل
قادر يخلي بكرة أجمل وأصيل
ابدأ
ولو الخطوة وجعت
ابدأ
ولو الدنيا قَسَت دي مش نهاية السكة
دي أول حكاية إنسان قرر يعيش
وما يستسلمش للحرمان
د.ق.ظريف عدلي ظريف
.png)
.png)
ليست هناك تعليقات:
إرسال تعليق