.png)
قلي يا ست الكل
..........................................
قلي يا ست الكل
شوبحبك أنا
إنتي الحبق والفل
وعطر السوسنا
صحى بقلبي الشوق
قلتلو كلك ذوق
يا شمس عم تشرق
بقلبي أنا
..................
قلي يا نور العين
إنتي الحلا وأكتر
ومن غمزة العينين
خلا القلب يسكر
شعل بقلبي النار
وخلا الفكر محتار
ما عرفت شو اللي صار
قلتلو يا أسمر
...................
قلي يا روح الروح
إنتي العمر كلو
إنتي نبض هالقلب
عم تنبضي محلو
قلتلو لما تروح
بحس القلب مجروح
بالسر أوعى تبوح
إنت الهنا كلو
........ ..........
قلي تعي بكير
على حقلة الزنبق
تا نعمل مشاوير
نشوف الغصن أورق
نعلي سوى ونطير
ونرفرف عصافير
نعمل شي بيت صغير
ف بحر الهوى نغرق
...........................................
ملك محمود الأصفر
.png)
.png)
ليست هناك تعليقات:
إرسال تعليق