.png)
.. كنت نايم لسه قايم .......
كنت نايم لسه قايم
ايه جرى ف الكون وفاتنى
والحياه حبة قوايم
بس يعنى القطر فاتنى
مش مهم فاطر وصايم
المهم الصحوه جاتنى
هو لسه الشط عايم
ولاجف الشط غيتنى؟
والسفينه على القوايم
ولا لسه شراعها متنى؟
اصل لسه كنت نايم
ايه جرى ف الكون وفاتنى
يعنى لسه العزبه عزبه؟
والمبانى فيها طين؟
لسه فيها الناس بسيطه
ولا اصبح يومها طين؟
لسه شجر التوت يظلل
ولا لسه زارعه تين؟
والمواشي ماليه غيطنا
ولا ماتوا المحسنين؟
والخضار مالى الاراضى
ولا اصبح مستكين؟
اصل لسه كنت نايم
لسه قايم
ايه جرى ف الكون وفاتنى
طب بلادنا العربيه يد واحده
لسه ماسكين الايادى
لسه بينا تراث ووحده
فيه زعيم للامه يعنى
ولا كله حاسس بوحمه
والجعان ببلادنا يشحت
والغنى مغرقها لحمه
واللى خاين بحبسوه
ولا اصبح بالكراسي
عاملى زحمه
لسه قايم كنت نايم
ايه جرى ف الكون وفاتنى
واللسان ف الفم متنى
طب شيوخنا لسه قدوه
ولا يعنى الحرام
عاملينه حدوه
وجيوشنا حرروا الارض يعنى
ولا لسه الحناجر شيء وفاضى
واللى حاكم هو يعنى
بالحديد حاكم وقاضى
والقضاء ف بلادنا حاكم
بالمحاكم
يعنى مسلم ولا فاضى
اصلى نايم لسه قايم
ايه جرى ف الكون وفاتنى
واللسان ف الحلق متنى
........... احمد عامر ...........
ننوه ان ماينشر حق مسجل بالهبئات المنوطه بذلك 1660/2022 س م ب
.png)
.png)
ليست هناك تعليقات:
إرسال تعليق