.png)
........ حبينا ناس .........
حبينا ناس
وهجرنا ناس
ونسانا ناس بنحبهم
واللى نسي داق الأسى
داب حلمناوقت المسا
وكتير تعبنا بهجرهم
بس الحقيقه
كان ودنا
تكمل حقيقة حبنا
يمكن يكون
عيب مننا اومنهم
لكن بيفضل قلبنا
هو الحقيقه ب سرهم
اللى حمل واللى احتمل
اصعب مساوىء طبعهم
وحبينا ناس
وحشتنى روحى
اللى جرت واتغربت
وحشتنى روحى
اللى فى حبك قربت
واتغربت
قلت اعيش
ع الحلم وحدى
خلصت جهدى
لقيت حياتى اتسرسبت
اه يازمان
لما الوفا يصبح الم
اه يازمان
لما الهوى يصبح عدم
ولايختشوش على دمهم
لكن بيفضل قلبنا
هو الحقيقه بسرهم
اللى حمل واللى احتمل
اصعب مساوىء طبعهم
وحبينا ناس
شمس الحياةجات مننا
اما الدموع جات منهم
واللى لامونا ف حبنا
زاد غيهم وف قلبهم
الفين شماته لبعدنا
نسيوا الامانه
وزاد عندهم
مع انى اصلا صلبهم
من دمهم
خفف يارب المكروبين
نشكى لمين
ونقول يامين
ان الحياة حبة امل
حبة تعب حبة عمل
تلقى المعانى بتكتمل
من عندنا او عندهم
مهما اتجرحنا ف بعدهم
لكن بيفضل قلبنا
هو الحقيقه بسرهم
اللى حمل واللى احتمل
اصعب مساوىء طبعهم
وحبينا ناس
........... احمد عامر ............
ننوه ان ماينشر حق مسجل بالهيئات المنوطه بذلك8210/2021 س م ب
.png)
.png)
ليست هناك تعليقات:
إرسال تعليق