فكري هنداوي يكتب....لا للمخدرات

 بمناسبة اليوم العالمي لمكافحة الإدمان!!

لا للمخدرات!!!!

********

يللي وقعت ف أسر مخدر

اصحى فوق ياريت تتوب!!!

مستني إيه وشمس حياتك

في طريقها للغروب!!!

وكل لون حلو ف ربيعك

اختفى إلا الشحوب!!!

حسره عليك ضيعت عقلك

بالابر او بالحبوب!!!

وحتى جسمك النحيل

بقي في العيون سلة عيوب!!!

*********

مستني إيه اصحى وفوق

الموت بيتسلل اليك!!!

وبص لنفسك ف المرايا

تتصدم وتشوف عينيك!!!

شمعة حياتك تتحرق

وتسح دموع الحزن عليك!!!

وتلقى عمرك بتخطف

يعني النهايه يتناديك!!!

وكل يوم يمر عليك

بتهد كيان موش بس ليك!!!

وتبقى حاله عايشه عاله

عاللي ليهم حق فيك!!!!

******،،،

يعني المخدر داء خبيث

وضيعك عقل وفلوس!!!

وخسرك صحه وشباب

وعمر ضاع م عشتهوش!!!

وبص تاني في المرايا

تلقى شخص م تعرفوش!!!

إنسان لا شيء وهم تقيل

على وطن م يشرفوش!!!

*******، *

لما المخدر يبقى عاده

وبالسعاده يخدعك!!!

ولما تفوق من سعادتك

تلقى كلك بوجعك!!!

وتعيش عذاب بايت معاك

ويقلبك في مضجعك!!!

تتلاشى يوم من بعد يوم

حتى الحياه تودعك!!!

ابعد قوام عن شيطانك

أو صديق بيضيعك!!!

كل الببان مفتوحه ليك

تاخد بديك وترجعك!!!

******

فكري هنداوي