د. علي مسلم عجمي يكتب... الهوية..

 (( الهوية.. )) للشاعر د. علي مسلم عجمي

-------------------------

الهوية منشأ و نهج و مبادي

مش كتابة على ورقة و شهادة

الهوية إنتماء لأرض جِدّي

لوطن و بكل إخلاص و إرادي

الهوية مين أنا و لمين بدي

وفائي و إنتمائي يكون بادي

الهوية موطنك في يوم شِدّي

ان نداك تقول جاهز للمنادي

الهوية إن كان مرجعها بيودي

لوطن تاني. ما في منها استفادي

الهويه بلا معنى أو تردّي

دفاعك كان عنها بكل برادي

الهويه أصلك و فصلك بِحِدّي

اكشفها و لا تغطيها ببَرادي

الهوية عند ما عنك تسدي

مواقف للكرامة و للشهادي

الهوية بوقت راسك عالمخده

نايم في هناء و في سعادي

الهوية. و حلمك العطرو المندي

وطن ناشر على ترابو السيادي

الهوة شو ما مِنورِّث موده

مش هي شو بتعطينا إفادة

الهوية ما بتتجزأ لعِده

من الأقسام شكل و إنفرادي

الهوية مش شخص بيكون جَدي

و شخص بيقول واقف عاحيادي

الهوية يا لسان الفخر وَدي

العروبة سلوك عمري و إعتقادي

الهوية قبال مِن بيكون ضِدي

ضِد عروبتي. السهم الرمادي

الهوية كرامتي و فيها تحدي

بوجه الطامع و كل الأعادي

الشاعر د. علي مسلم عجمي

لبنان