.png)
( حُب أقوى من الحب ).. للشاعر د. علي مسلم عجمي
----------------------------
حُبِّي إلك أبعد من حدود المدى
و فوق ما بتوسع ضلوعي و الصدى
بحبك بأوقات التمني و الهُدى
بحبك لأبعد كل شي لعيني بدا
أبعد من الحلم المُطَيَّب بالندى
و فوق الخيال و واقع بحلمو اقتدى
و أبلغ من الحرف اللي كلماتو شدا
و راجح عقل ما راح تفكيرو سُدى
من قبل ما تتكوَّني قلبي اهتدى
عليكي بزمن و الزمن بعدو ما ابتدا
متل ال كإنك أنا إنتي بالغرام
و إنتي أنا و بمتلنا ما في حَـدا
أنوار عينيكي شيليها من الخِبـا
وَهجها تخطّى الصبابة و الصَبـا
كم (ألف وات) بداخل البوبو اختبى
و نحنا ل (كيلو وات) مخزَنَّـا كَبا
مش فارقة بفلوس كانت أو هِبا
داخل عيونك نور بشعاعو هَبا
كرمال الله و ألف أهلا و مرحبا
خفِّفي عنا العتم شايبنا حَبا
ما زال عتدك عاطفة و عندك إبا
و من عيونك نور إشعاعو نَبا
خللي عيونك تلتقي بكورانها
و تبني بعينيكي محطة كهربا
الشاعر د. علي مسلم عجمي
لبنان
ليست هناك تعليقات:
إرسال تعليق