.png)
رسمتى صوره
كلمات/ يوسف عطاالله
رسمتى صوره فى الخيال
لكن تستنى اتحرك دا المحال
مش انتى إلى جمعتى الأطلال
وكونتى لوحه ولا بتسأل سؤال
لوحه صامته والأصل فى ترحال
لانه جوايا ثوره وبركان وشلال
وكلام كتير مكبوت ما يتقال
مش انتى سمعتى لكلام العزال
ودا بيتدخل ودا يقول قلنا وقال
لحد ما الكيل ذاد والبخت مال
والى انحفر جوانا ما ينشال
أصبح حمل ثقيل صخر وجبال
ومهما شديتى بايدك مايحرك التمثال
واصبحت انا للأسيه شيال الأحمال
ودلوقتي عايزانى أمد ايدى ليكى
وبين احضانى أضمك لصدري وأدفيكى
وعايزه الصوره تتحرك بيا وبيكى
اهو دا المستحيل والى انكتب ليه وليكى
ان اللوحه صامته و الكلام صعب عليكى
خليه سر احسن وخلينى برموشى اغطيكى
بس واتا بعيد لان القرب مستحيل ليكى
بقلمى / يوسف عطاالله
.png)
.png)
ليست هناك تعليقات:
إرسال تعليق