جمال رمضان يكتب... عتاب الغرام

( عتاب الغرام )

لو الحياة معاك عتاب وملامة

إسمحلي أقولك مع السلامة

أنا إللي ياما إتحملت كتير

ومع كل جرح تسيبلي علامة

أعيش لروحي وأنساك كمان

وأداوي جروحي من الأحزان

أنا إللي ياما إتحملت كتير

وأعتبر عمري وكأنه ما كان

إوعة تقولي أسامحك تاني

هتقولي راح أقولك إنساني

أنا إللي إتحملت كتير

أنا مجني عليه وإنت الجاني

بلاش تقولي أي كلام وكلام

ما بقاش ينفع عتاب وملام

أنا إللي إتحملت كتير

أنا مش هعيش في الأحلام

الشاعر

( جمال رمضان )