اشرف الدغيدي يكتب... ياام الملايه اللف

 ياام الملايه اللف

ورجلك فيها خُلخال

ماشيه بتتدلعي

وماحد شاغِلك بال

اهل الغرام شافوكي

جالهم جنون زلزال

وقلوب الحبايب رقصت

علي رنة الخُلخال

حتي الأرض إشتكت

من رقة خطوتك

وغاروا كل البنات

لما شافوا جمال كُحلتك

وحلفوا عمرهم ماشافوا

في جمال عيونك زي

وبملايتك والخلخال

دوختي شباب الحي

وآه من طابع الحسن

هياكل من خدك حته

ياساحره عيون البنات

وكل شباب الحته

الضحكه لما بتطلع

بِتّْهِزّْ القلوب هَزّْ

ياغزال وكعبه محني

وأصيله من بيت عِزّْ

دمك زي العسل

وقلوب الكل إنشغل

وشهد الشفايف سآل

وسألهم كام سؤال

مين عاشق ولهان

للغرام والهوي عطشان

دآ جمالك غلب القمر

يشوفك يبات مكسوف

ويحليٰ معاكي السمر

ياغصن بان وعود ملفوف

قلبك مليان حنيه

يروي من العطاشه الوف

إمشي بخفه ودلع

وعلي مهلك ياغزال إتمخطر

عشاقك كتير مساكين

بشويش ياغزال إتغندر

ومين يشوف خطوتك

ويسمع نغم ضحكتك

ومايقدر قلبه يدوب

كل شباب الحته

عايزين يعرفوا احوالك

وكمان طالبين عنوانك

يآ أم العيون السود

حسنك ماله حدود

وسحرك مش موجود

عين الحسود فيها عود

خواطر ( اشرف الدغيدي)

حقوق النشر محفوظة