الوداع
اللى خان حبى وباع
جاى و بيقول الوداع
راح بيشكى من قساوتى
بعد ما ضاعت حلاوتى
حتى شعرى منى شاب
انكوى بنار العذاب
بكره تندم ع اللى فات
بكره تتندم علينا
لو تعود للذكريات
مهما قُلنا او حكينا
هو ماضى بس مات
والهوى فارق ايدينا
كل ده كان يجرى ليه
لو تعودى لى يجرى ايه
قلبى كان واحه لراحتك
عمرى ما بكلمه جرحتك
كنت شايلك بين عيونى
كنت باحلم لو تصونى
عشره كانت من زمان
كنت اسقيكى الحنان
ليه غدرتى ؟ ليه تخونى
عيشت ايامى ف هوان
الوادع زاد من جنونى
وانت تطعنى كمان
والله خابت فيك ظنونى
لو يهون حبى عليكى
حبك انتى عليا هان
شعر احمد اسماعيل/ شاعر العرب
.png)
.png)
ليست هناك تعليقات:
إرسال تعليق