لا للمخدرات!!!!
********
يللي وقعت ف أسر مخدر
اصحى فوق ياريت تتوب!!!
مستني ايه وشمس حياتك
في طريقها للغروب!!!
وكل لون حلو ف ربيعك
اختفى الا الشحوب!!!
حسره عليك ضيعت عقلك
بالابر او بالحبوب!!!
وحتى جسمك النحيل
بقي في العيون سلة عيوب!!!
*********
مستني ايه اصحى وفوق
الموت بيتسلل اليك!!!
وبص لنفسك ف المرايا
تتصدم وتشوف عينيك!!!
شمعة حياتك تتحرق
وتسح دموع الحزن عليك!!!
وتلقى عمرك بتخطف
يعني النهايه يتناديك!!!
وكل يوم يمر عليك
بتهد كيان موش بس ليك!!!
وتبقى حاله عايشه عاله
عاللي ليهم حق فيك!!!!
******،،،
يعني المخدر داء خبيث
وضيعك عقل وفلوس!!!
وخسرك صحه وشباب
وعمر ضاع م عشتهوش!!!
وبص تاني في المرايا
تلقى شخص م تعرفوش!!!
انسان لا شيء وهم تقيل
على وطن م يشرفوش!!!
*******، *
لما المخدر يبقى عاده
وبالسعاده يخدعك!!!
ولما تفوق من سعادتك
تلقى كلك بوجعك!!!
وتعيش عذاب بايت معاك
ويقلبك في مضجعك!!!
تتلاشى يوم من بعد يوم
حتى الحياه تودعك!!!
ابعد قوام عن شيطانك
او صديق بيضيعك!!!
كل الببان مفتوحه ليك
تاخد بديك وترجعك!!!
******
فكري هنداوي
.png)
.png)
ليست هناك تعليقات:
إرسال تعليق