أنا اللي فعلا حبيتك
وفي قلبي من جوه رميتك
واستاهل أتشوق ليكي
لو يوم بعدتي ولا لاقيتك
انا اللي برضو راح استاهل
يكون لقب قلبي جاهل
لو يوم بعدتك عن روحي
وأعيشلك العمر أتحايل
واظن برضو في حرماني
والبعد عنك .. ! أستاهل
ما هو بس حبي إللي رماني
والقلبك عندك كان مايل
مش قصدي يعني ولا بإيدي
ولا شافني حد وقام قايل
دا انا بس حبك في وريدي
والشوق عمل فيً عمايل
مغصوب احبك مش خاطري
القلب راح لك وبيجري
والامر عمره ما كان امري
دا النبض بالنار راح شايل
فـ لقلبي عذرا ومسامحه
ياللي الجمال عندك خايل
ماتكفنيش منك لمحه
ولا عمر لو ميه و طايل
أنا غصب عني هويت قلبك
والشوق في قلبي ماهوش زايل
واتمنى اعيش الفين جنبك
م العمر وافضل أتحايل
وان جيت بعدت في يوم عنك
إبقي قولي ان انا جاهل
و اهي تبقى ذكرى عملتيها
في قلب عمره ما يستاهل
ياسر مهدي عمرو
.png)
.png)
ليست هناك تعليقات:
إرسال تعليق