حسن محمد علي يكتب...كلام غير منطقي

كلام_غير_منطقي

.....

كلام غير منطقي

ان ارجع تاني لواحد باعني وخان

ان أنسى قسوه قلبه عليا زمان

..

كان فين وانا كل ما فيا بيترجاه

وبعيد وبزيد أدامه مشوار حياه

..

مش هرجع .. مش هنسي .. مش هعيد الكَره تاني

.....

كلام غير منطقي

ان أشوف نفسي في عينيه مره تانيه

اللي ماصعبتش عليه ولا حتى ثانيه

..

اللي كل الناس باعوه وإشتريته

اللي كل الناس خانوه وإحتويته

..

مش هسلم .. مش هكلم .. انسان مغرور وأناني

.....

كلام غير منطقي

إنك ترسم لوحه مافيهاش ألوان

إنك تُسكن بيت من غير جُدران

..

إنُه يكمل تاني معاك

إنُه يمثل إنُه ملاك

..

مش هكمل .. مش هينفع .. أنسى اللي في يوم بكاني

.....

كلام غير منطقي

ان أسامح في اللي فات

ان أقول بقى ذكريات

..

ان أنسى رحله عذابي

إنُه تاني يدق بابي

..

مش هقدر .. مش هسامح .. أخر كلام إنساني

.....

كلام غير منطقي

ان نفسي عليا تهون

دانا لو واحد مجنون

..

مش هقبل بالرجوع

مهما تكون الدموع

..

مش هعزف .. مش هتسمع .. مره تانيه ألحاني

.....

كلام غير منطقي

#انك_تكمل_معايا

#وتكون_بطل_الروايا

..

#كان_دورك_مشهدين

#كومبارس_طول_السنين

..

#مش_خُلُصنا .. #مش_خلاص.. #أخرك_زرع_شيطاني

........

#كلاام_غير_منطقي

حسن محمد علي