ما أريدك ( بالشعبي )
وَالْلَّه حَلفنّلي ارُمُوشِهَا
وَعَلَي كَذَبْن
وَحَتَّى ايْدِيَهَا
مَا صَدَكَتِهَا مِن رَجَّفَن
لِان هِي بَلَيَّا احْسَاس
وَمَن تَحلِف جَذَب
وَدَمْع اعُيَوْنَاها
مَن جَرَت
ابَد مَا وَكَفَّن
واني ابطيبْ كَلب
ركضت ألها
واثياب العليَّ
من الشوكَ اتكَطعن
ومن وصلت اليمها
صدَّتني و كَالت
ما اريدك لو حتى
اجدامي حِفَن
واني الي صدكَت
رجفت ايديج
ومن اول يوم
خدودج الي ورِدَّن
وبعد عشر اسنين
اتعرفَّت على غيري
واسهامك ابكَلبي علَّمن
ومِن كَلْتَلَهَا احْبَج
و امُوَت عَلِيِج
كَالْت
شُوْفُوه بَعْدِه اهنَا
لَو بالكَبر
بعده ما اندفن
بقلمي حسان ألأمين
ليست هناك تعليقات:
إرسال تعليق