سعدي النعيمي يكتب... مُرْ بيَّ

 ----- مُرْ بيَّ -----

مُرْ بيَّ طيف

تشتهي إلكْ نفسي

وكحل عيوني بوجهك اليضوي

بس لا تكثر بيَّ عتاب

صَدِكْ ما بيَّ حيل أبجي

هو العمر كم دوب

وتريدَ بالوعاتْ يكضي

خليتك بوسط القلب

وعيوني إلك تربي

وانت زين بيَّ تدري

لو ردت مني الروح

فدوه إلك بس انت أحجي

يل شوفتك نبع ماي

تروي ولجروحي تشفي

بس شسوي وياك

الجان حملك مايل

والكل يعرف وساكت

كل ظنهم آني ما ادري

سعدي النعيمي