جمال رمضان يكتب... آخر مرسال

( آخر مرسال )

بعد يومين ها أبعتلك تاني

يمكن تكون نسيت عنواني

آخر مرسال مني وليك

والا إنت خلاص ناوي تنساني

ها أكتبلك قصيدة وبداية

بس إقراها ما تقولش كفاية

بشرحلك فيها احوالي

وبإيدك إنت إكتبلي نهاية

لو مجانيش منك مرسال

إنسى إي كلام مني إتقال

انا عادي من غيرك اعيش

وهبقى فل وعال العال

إوعة تفكر إني انا مستني

لو بايع ها ارقص وها اغني

وها احب واكيد ها اتحب

اصل انا شاعر وليا فني

الشاعر

( جمال رمضان )