كله فاكر
كل واحد في نفسه فاكر...... ان وجوده في الزمن ده نادر..
.
وقلبه ياعيني طاهر.... وان عقله ده باهر ....
هو بس اللي قادر .....ولا في غيره شاطر....
هو الامين والباقي غادر .......انه باقي وغيره عابر....
كله فاكر نفسه صالح..... وغيره هو اللي طالح
هو بس اللي فالح...... ولكل شيء فاتح
مفيش غيره ناصح..... هو سكر والناس موالح ...
كله فاكر نفسه فاهم .....في الدنيا هو اللي عالم
وان نفسه من المعالم........
كله عايش دور الضحيه...عنده الناس كلها اذيه
لوحده سليم النيه....وحياته لها الاهميه
وتلاقيهم في الدنيا ملهمش هويه....ولاتعرف لهم عقليه
عايشين عيشه وهميه.... قلوبهم سوده معبيه
وعيونهم في الناس مدويه....هم اساس كل بليه
يقولوا احنا الافنديه...وهم يادوب خيال علي راسه طاقيه
احنا اصحاب الطلعه البهيه.....وهم قدم كل رزيه
احنا الاصل والباقي هفيه.....وتلاقي ملامحهم خفيه
احنا الادب والرجوليه...وهم محصلوش صبيه
احنا الذوق والمفهوميه....اصحاب العقول الذكيه
والجهل فيهم صفه مش طبيعيه....زي ماتكون وراثيه
وكله بقا مشغول....في كل حاجه يقول ..
عالم كمان بالمجهول..... يعطيك تملي حلول
وممكن يوصفلك محلول....عنده دائماً مدلول...
وده حال الناس في الدنيا علي طول.....
الصيدلي الشاعر
محمد حلمي البراجه
.png)
.png)
ليست هناك تعليقات:
إرسال تعليق