بكره ها يعز الوصال
"""""""""""""""""""""""""""
فيه اللي عاش أيام جميلة م الخيال
ويا إلفه ، حس بيه، وف حبه مال
أخلص في حبه ، وكان في هواه ملهوف
وهو مش داري إن بكره ها يعز الوصال
شاف في حبه كل ما يخطر ببال
سهر الليالي ، عمال بيرسم ف الآمال
فوق في العلالي، ويا فكره يطوف
وهو مش داري إن بكره ها يعز الوصال
ملكت مشاعره الكون ،،،،،،،،،وقال
مين اللي زيي في الهوي ،نال المنال
أنا وحبيبي يا عزولي شوف
وهو مش داري إن بكره ها يعز الوصال
طالت إديه نجم السما، وقلبه شال
بين الحنايا الوداد، ضامن دوام الحال
فاكر ها يضحكله زمانه ،من بين ألوف
وهو مش داري إن بكره ها يعز الوصال
لعب الزمان لعبته، وإتغيرت أحوال
خطف حبيبة الفؤاد، ودمعه سال
علي الخدود يحكي سوء الظروف
وإتحطم القلب، بعد ما عز الوصال.
*************
شعر/ سيد فتح الله
من ديوان / أغنيات القلب الجريح
.png)
.png)
ليست هناك تعليقات:
إرسال تعليق