«لو تعرفي...!!»
**********
لو تعرفي أنت أيه...؟!!
لو تعرفي أنت ليه...؟!!
أنت العالم وال فيه
أنت عمري ال أبتدا
بكلمة منك
ومهما قلت يا مصر بحبك
وحياة غلاوتك مليون بحبك
الحب عمره ما كان سؤال
ولا كلمة حلوه
ولا اختيار
وكنت أنت يا مصر
أجمل الأقدار
*****
آه لو تعرفي
قد أيه بحبك
قد أيه بعشق ضحكتك...
بسمتك...
طلتك يا بدر البدور
يا ماليه قلبي بالسعادة والسرور
لا تقولي شمس منوراك
أنت ال منوره كل الشموس
وفارده جناحات الحضارة
على الدنيا كلها
أنت المساجد
أنت الكنائس
أنت المصانع
أنت الفؤوس
ال بتعزق أرضك الريحانة
بأيد ولادك الشقيا نه
يا ما نفسي أعدي
على كل أيد أحضن وابوس
يا مصر أنت القمر
ال منور كل الليالي
وأنت حبي وأهلي وكل غالي
بادعي ربي يحفظك
من كل الأعادي
أطلبي عمري وخدي روحي
وكل غالي
عمري يا مصر ما أفكر ثواني
أنت ال جيشك واقف ع الحدود
يحمي أرضك
ويحمي عرضك
ولادك يا مصر في الأرض
هم خير الجنود...!!
محمود عمر
.png)
.png)
ليست هناك تعليقات:
إرسال تعليق