أمايا
ورجعت تاني وعادت بي السنين
اشتقت للماضي وزاد جوايا الحنين
ازور قبر امايا وافتكر الماضي
واعيش مع ذكراها شويتين
فرحان وببكي وافتكر ايامي
قاعد جنب قبرها ارتاح حبتين
امايا حبك اتحفر جوا قلبي
امسح بايدي من علي خدي دمعتين
فاكره يا مايا لما كنت منك اجري
تنديهلي حاسب ياضناي اودامك حفرتين
مش ناسي يا مايا لما كنتي معايا
في يوم العيد وفرحان بالهدمتين
امايا فاكر ومش ناسي
لما كنت عيان ودمعتك علي الخدين
انا مش ناسي ومش ممكن هانساكي
سامع ولسه في وداني الزغروطين
لما دخلة الجهاديه ومعايا البدقيه
ولابس الطقيه و البدله الميري
تجري عليه وتحضنيني
وتبوسيني علي الخدين
يا مايا حكاوينا متنتهيش
لمحاني بنظرة عنيكي
حبيبتك زينه وفي خدودها نغزتين
انا فاكر لما قولتي كبرت يا ولدي
وجوازك بعد حصاد الفدانين
امايا انت عايشه معايا جوايا
بتندن جوايا كلمت ياواد
ودعاكي يحميك من الحسد والحساد
تعال ارقيق ونصلي علي نبيك محمد
حنينك يا مايا ماله حد
حكاوينا يا مايا ما تتعد
لو عدا من السنين اعد
مش هاوفي جميلك وسد
يارب ياحنان يا واحد يا احد
الجنه ليها والفرح والسعد
الله يرحمك يا مايا
مصطفي السعدني ،
.png)
.png)
ليست هناك تعليقات:
إرسال تعليق