سليم الغنام يكتب... لما رحل

 ...........لما رحل..................

ــــــــــــــ

لما رحل بللت تراب

المدافن بالدموع

وطفيت قناديلى

وأشعلت الشموع

وكتبت على مدفنه

خلاص إنتهت قصتي

وم النهارده مفيش

رجوع

لو كان بإيدي ما كان

رحل

لكن القدر لماحكم جفف

ينابيع الشوق دموع

حتي الندا ما عاد بقا

مسموع

النجمه كانت بالسما

حاضنه القمر في ليل

السطوع

كان القمر لما يميل على

خدها تنسي الجراح

تنسى الدموع

أه ياليل الوحشه

لما يلتهب بين الحشا

ألم الحنين

إللي إختفي بعد ماكان

مشروع

يبقى لازم نمتثل لحكم

القدر ونقطه على السطر

وإنتهي الموضوع

أصل اللي شاريك عمره

ما يبيعك حتي ولو باع

عمره بحفنة دموع

عمر الغلا ما يتنسي

ولا الشمس تهوي بالليل

الطلوع

دثر همومك يا قلبي

ووحشتك خبيها

ده اللي جرح ما يهمه

ألم جراحك

وعمره ما يبات عليك

موجوع

مدام قدر يرحل عمره

ما يوم يهوى الرجوع

بقلمي سليم الغنام