يا قلبي حرص م الوجع
ما بقيتش قادر
كام مره تندب وتقع
وقال عاملي فيها شاطر
ما عدش فيه إنسان جدع
اعمل لنفسك يا سيدي خاطر
عودت عينك ع البدع
وضربت في الحب الودع
ولا طولت ماضي ولا عشت حاضر
وكل مره بتتوجع
وتحط همك في المشاعر
ما انت المشاعر
وانت اللي خلتني ابقى شاعر
ابقى شاعر بالألم
وبرضو صابر
ورضيت بصبري عشان انت قلبي
وأنا قلبي لازم اعمله خاطر
وكتير لوحدي كنت تسيبني
وكنت مع الأوهام تسافر
واحذرك كنت تعاتبني
افكرك ولا انت فاكر
كتير نصحتك وانت تعاتبني
وعملي فيها قال مذاكر
يا قلبي غير من طريقتك
حاول تقلل حبه طيبتك
هتعيش طول عمرك مكابر
ما تفتح بقا كله مصالح
تلعب بديلك تبقى فالح
واللي جي كله رايح
كله متخبي ف مظاهر
يا قلبي انسى الحزن وافرح
بس فكك م المشاعر
وازرع الحب هيطرح
بس مش لأي عابر
خلي حبك يبقى غالي
ما يطلوش إلا الأكابر
.png)
.png)
ليست هناك تعليقات:
إرسال تعليق