( يا قلم )
إكتب وقول يا قلم إكتب ولا تخبيش
على إللي ضاع عمري عليه وما يساويش
وإللي بعت كتير عشانه وإشتريته
وإللي إتعود ياخد مني وما بيديش
إكتب وقول يا قلم خلى الكل يشوف
إكتب على قلب إنظلم من غير كسوف
وإللي باعك وإللي خانك وإللي نسيك
إكتب وقول اللعب بقه على المكشوف
إكتب على حبي ليه وعن أحلامي
إكتب عن عذابي معاه وتعب أيامي
إكتب عن الشعر إللي كتبته فيه
إكتب عن الإلهام وعن كل المعاني
إكتب وقول عن كلامه وعن وعوده
ما إنت كتبت عن عيونه وعن خدوده
إكتب ما إنت ياما كتبت فيه وياما
إنت يا قلم ظلمتني وصدقت عهوده
الشاعر
( جمال رمضان )
.png)
.png)
ليست هناك تعليقات:
إرسال تعليق