.png)
( تعمل إيه )
عارف إيه أصعب حاجة
لما تحس إنك ولا حاجة
لما تدي كل ما عندك
وكأنك ما عملتش حاجة
لما تداري كل إللي جواك
وتحاول تكون إنت ملاك
تعمل إيه لما تلاقي
كل الناس بدات تنساك
لما تعيش بتراضي الكل
وتكون إنت الورد والفل
تعمل إيه لما تلاقي
كل الناس قسوة وذل
لما تلاقي نفسك محتار
وتكون للناس بير اسرار
وتعيش للناس أراجوز
وإنت إللي تعيش في النار
الشاعر
( جمال رمضان )
.png)
.png)
ليست هناك تعليقات:
إرسال تعليق