د. علي مسلم عجمي يكتب...هذي ليلتي

 ( هذي ليلتي ) للشاعر د. علي مسلم عجمي

هذي ليلتي و حلمي و حياتي

همزة وصل من ماضي لآتي

هدية حاملة الخيرات فيها

هيكي خَبَّرِت عن ذكرياتي

هزي و غربلي و نفسك اوفيها

هلأ شارقة شمس الزناتي

هنيها بحضورك.. شرفيها

هَمَس لحضورك اللحن البياتي

هديل و ترغلِت بوح اليمامي

هفهف..حاملة غصون السلامي

هبطت من سما الإبداع كلمة

هجرت حرفها بظل الغمامي

هامت بالفضا عا حد علمي

هَوَس أحلامها جاب العلامي

هواكي يا يمامة عصف حلمي

هطل إعصار منبعها كلامي

هاتي كاس معصور الدوالي

هوِّي عالهجر وحدو دوا لي

هاجت عا فراقك نار حُبي

هدفها تزيد عاطفة الغوالي

هُدهُد باعتو و طالب يلبي

هوى عشقي و يخبرني برسالي

هدم عرش المحبة بقلب قلبي

هزيلة و طبعها صار انفعالي

هاوي صيد و الصياد بدو

هدوء و طول بال يجِد جَدُّو

هفوة ان صابتو ما في نتيجه

هندستو و فن الصيد هَدّو

هزِّة بدن مش صيدة بهيجه

هزء و لا صبية بكف يدو

هَذَّب خاطرو اللي بييجي ييجي

هيكل حَيَّدو عشقو مردّو

الشاعر د. علي مسلم عجمي

لبنان