جمال رمضان يكتب..... كانت ذكرى

 ( كانت ذكرى )

إللي في قلبي لقلبك مات

كانت جروح وكانت آهات

سنين عمري وبداويها

ودموع حاولت أداريها

إنتهت وبقت ماضي وفات

كان فيه ذكرى كنت فاكرها

وكنت في كل يوم بذاكرها

خايف تروح مع الجروح

وأسهر وأدور ما القاش غيرها

ذكرى ياما حلمت أنا بيها

كنت فاكرها وعايش ليها

إلإيد في الإيد والعين بالعين

كان الحنان والشوق ماليها

ماتت الذكرى مع إللي مات

ما بقاش فيه غير الآهات

مع الهجر ومع البعاد

ولا نظرة فاكرها ولا همسات

الشاعر

( جمال رمضان )