علي تيتي يكتب.... لمين بدي قدم بطاقة معايدة

 لمين بدي قدم بطاقة معايده

بعيد العشاق والقلب حيران

يا ورود الماسي روحي تضبضبي

وين المحبه والشعب تعبان

يا رعود شباط عني بعدي

ويا ثلوج كوني دفء لطفل بردان

ذابت من حرارة دموع ام بتشتكي

######

يا عيد رجع وخبر خدود البدر

صارت حياتنا شح بدون امان(ي)

يا عيد رجع وخبر حفار القبر

ببلادي الموت اشرف من الخياني

يا عيد قابضين ع بصات الجمر

برحلة عمر وان طال الزماني

يا عيد ما بدنا الا الصبر

تتنقشع عنا حكام الظلامي

يا عيد عود علينا بزهور وعطر

ورش ع شفافي تيولع حناني

يا عيد اجعل نهاري خمر

تغني شعر بحروف المعاني

يا عيد وحد قلوب البشر

تندفن للحروب ويعم السلامي.

بقلم..الاعلامي علي تيتي

13-2-2022