ياسين مصطفى بكري يكتب... الزهر يغار

 *****(( الزَهِر بِغار ))*****

من شوفتِك قَلبي إشتَعَل بالنار

ودقات قَلبي ذادوا للمية

سألت روحي أعرِف الاسرار

قَلبي جاوبني بكل حنية

حَسيت إني فايِت بإعصار

والريح غَنَت أحلى غِنية

لو ترحَميني الدهر غَدار

حُبِك غَمَرني أكثر شوية

من خدودك الحمرا الزهر بغار

مأحلى جمالك بنت شَرقية

قَلبِك حنَيِن لَيَن الاحجار

وقَلبي بِلين بنَسمة شَعرية

قَلبك زَهِر وبيعشَق الازهار

وقلبي أنا زهرات برية

وقَلبِك بغني بليل ما بِنهار

وقَلبي بيسهر أحلى سهرية

وقَلبك عَزَف عالعود والاوتار

وقلبي هداكِ أجمل هدية

وقَلبك بيِنشِد دائما أشعار

وقَلبي بحب الشعر صُبحية

..بقلمي..ياسين مصطفى بكري......