( بتحسدوني )
يا إللي بتحسدوني تعالوا مكاني
وإبقوا لوموني كمان على أحزاني
تعالوا قربوا وجربوا جرحي
ما بين حيرة ما بين غيرة بعاني
ما تعرفوش قد إيه أنا لسة بتألم
من إللي باعني وياريتني بتعلم
وكل يوم أبكي من جروحي
ولما أشوفه أنسى روحي وأسلم
بتحسدوني على ضحكة ضحكتها
دي صدفة أنا من الزمان سرقتها
وكل يوم أبكي على حالي
خدوا عيوني بشرط هي ودمعها
صدقوني أنا محتاج لقلبي بديل
يجرب مكاني وأحزاني ويشيل
يبكي مكاني وأرتاح من الجراح
ويحس بدموعي نازلة مواويل
الشاعر
( جمال رمضان )
.png)
.png)
ليست هناك تعليقات:
إرسال تعليق