--- سفينة الموت --- كلمات الشاعر احمد جابر سويلم
وجاى للقدر تتحدى ---
يالف خساره وخساره ---
فاكرها الغربه هتعدل ---
ومن حزنك لفرحك هيتبدل ---
نصيبك وان كتب اسمك ---
تلف يمين تلف شمال ماهو باسمك ---
هقولك ايه واعيدلك ايه ----
واعتابك على الغربه رحاله ---
سفينة الموت فى بحورها عوامه ---
تلم فى ناس قلوبها غرقانه ---
فى حضن البحر ترميكم وتتمايل ---
وقبطانها يضحك ويتعاجب ---
ضميره مات عن الواجب ---
ويجى البحر بموجه ويخطفكم ---
وصرخة موت صداها سكوت ماتسمعكم ---
وترمى اللوم على نفسك ---
ويجرى العمر وينتهى حالك ---
وهم الاهل لوصولك ومستنى ---
يسمع صدى اسمك ---
وتبكى الام بدموعها من الحصره ---
بايدى ضيعت انا ابنى ---
وتلبس توب عليه اسود ---
ويجى الاب يتشاكى ويتباكى ---
انا اللى هودت زوجتى وشيطانها ---
انا اللى دفعت بايدى تمن موته ---
مراح ولدى وراح صوته ----
مابين جدران الحزن هتالم ---
ومش هعرف طريق الفرح لوجانى ---
انا المنحوس وانا المتعوس باحزانى ---
وانا اللى حكم الزمن ربانى ---
وانا اللى حكم الزمن ربانى
ليست هناك تعليقات:
إرسال تعليق