احمد جابر سويلميكتب.... صحوة ضمير

 -----صحوة ضمير --- كلمات الشاعر احمد جابر سويلم

اتلهينا فى كل حاجة تافهه

والعقول تجرى تفرح ويا زفه

والهموم وخدانا كل واحد لفه

والسعاده حلم تاه فى زفه

والامل اصبح هرم شاخ وعجز

الشباب ع القهوه قاعد ملزز

محتاجين حساباتنا اليوم نعيدها

محتاجين بالايمان اليوم نزيدها

اب يصرخ ام تبكى بالدموع

ابن عاصى همه يجيب الكيوف

الملامه مش ع الابن ياهل الربوع

اب مشغول فى همومه ومشاكله

ام تاهت عن رباية ولادها

عينها ع النت مشغوله بحبيبها

دور وداير ع الام والاب فى حياتهم

والضحيه ابن ضل وضاع بناتهم

والمشاكل صوتها عالى فى البيوت

والطلاق دور وداير اوعى دورك يفوت

محتاجين واقفه صح تغير مسارنا

ليه نفوت الدين لحاله وهو دينا

ليه نقول الدنيا همها دايما شغلنا

محتاجين كل واحد يصحح مساره

محتاجين الدين ينور قلوبنا

محتاجين ضمير حى يبقى هو توبنا

محتاجين فى السجود البكى

لجل ماتطهر وتنظف قلوبنا

محتاجين العلم الحقيقى

لجل ماترقى شعوبنا

محتاجين الصدق جوانا

لجل مانلملم جراحنا

محتاجين قانون يحد من طلاق بناتنا

محتاجين حل المشاكل

محتاجين واقفه صح

من حاكم بلدنالجل مانصون ولادنا