شيدي حيلك.
عبدالله رجب ابوعدنان
قومي لساكي قادرة
عفية وقوية وقاهرة
طول عمرك مثابرة
كلمتك للحدود عابرة
ويشهد عليكي الزمان
لساكي امنا ولمتنا
وفرحنا ودنيتنا
بيكي تكمل محبتنا
ف كل مكان
شيدي حيلك وانهضي
ايدي ف ايدك نعدي
زي ما اتعودتي تدي
ساكتة ليه ما تردي
ف ردك الأمان
دمي ف وريدك
ملفوف بعلمك
حلمي هوا حلمك
طينتك وارضك سمارك و شكلك
مهما يكون أنا بحبك
ضميني وخديني ب الاحضان
معلمه البشرية
خيرك مش بس عليا
شايفك آبية
ودمع الغلابة ف عنيا
محملني رساله ووصية
من بجري لقبلي
تقفي جنبي وقت التوهان
ادي خطوط العرض و الطول
وادي شمسك دفا ودليل
وحياتي ف ربوع النيل
وادي الجوامع وادي الكنايس
وادي صرخة ابن بيكي حاسس
علي صوت الحق وعلي صوت الادان
طول عمرك أرض الرسالات
حاضر وماضي ومستقبل آت
للمجد ف كل شبر علامات
شيدي حيلك يا قلب العالم
ومهبط الأديان
.png)
.png)
ليست هناك تعليقات:
إرسال تعليق