كثرت الهموم علينا بعجقة الأيام،
وغابت البسمة ونقص الإيمان،
وزاد همومنا انفجار هدام،
طيّر أحلام أهل بيروت وكل لبنان،
الفكر ملبك من فيض الأعلام،
أخبار بنلقطها من كل زاوية ومكان،
سكون ما بين الخبر ووهلة الاستعلام،
بتجمع ضجة كلام من فلان وعلتان،
أشخاص خبراء وعلماء من جمع الأزلام،
بحللوا تراب الأرص وبيفلحوا البستان،
الأول بيحكي بالسياسة وروح الاهتمام،
عن الوطن والمواطن وكل السكان،
والتاني بيحكي عن الطايفة والالتزام،
عن التلاقي والوفاق بين كل الأديان،
والتالث بيحكي عن المال والأرقام،
وبطمن الخلق انو الليرة بأمان،
والرابع بيحكي عن الاقتصاد بكل الأقسام،
وبطمن انو المعيشة صعبة والسعر بالقبان،
والخامس بيحكي عن الكورونا والألجام،
وانو الأرض ممسوكة والأمن مش فلتان،
والسادس بيحكي عن الكهرباء بالالتزام،
وانو العتمة بتخاف من الضو الولعان،
والسابع بيحكي عن القضاء والأحكام،
وانو العدل تخربطت فيه إبرة الميزان،
والكل بيحكي بكل شي بشكل عام،
بخبّصوا طالع نازل وما حدن منن فهمان...!!!
*
*** حليم هاني ***
.png)
.png)
ليست هناك تعليقات:
إرسال تعليق