دنيا مُعادله ماهياش عِدله
تعمل شهم .... بتعمل نادله
واللي بيجري وراها ياويله
تعمل صاحبته و بتحكي له
هي عشانه بتحفر حفره
وأما هينزل ... هتغني له
تجري لغيرك تعرف أصله
تنحل وبرهُ تحز مفصاله
تاخد منه اللي يكفيها
تمنع اسم إن تم في نسله
تبعد عنك لما تعوزها
تمنع عنك كل نفوذها
اوعى ف يوم تزعل لـ يبان لك
وقت غضبها و لوية بوزها
تجري وتهرب وقت لزوم
وإنت تقول ولا حنت يوم
وأما تفكر مرة تلومها
تبقى في موتك مش مرحوم
دنيا مُعادلتـ ها من الصعب
لو تحاورها .. بترمي الكعب
تعمل شاطر او تتذاكى
تبقى يادوب في الشارع ... كلـ ..
دنيا غريبة وملهاش عازه
لو تحتاجها تكون في أجازه
وان فكرت في يوم تهجرها
تلقى عينها بشوق أخذاه
تجري وراها وتحفا ليالي
تنطق هي .. ماجاش علي بالي
تبكي عنيك وتدمع دمعه
وتشكي لحالك زاي ما حالي
دنيا خطاها الدوسه بشوك
واللي بيخلص. فيه مشكوك
واللي اتعود ديما يطلب
واللي ضميره رُباط مفكوك
فيها فقير و تملي جعان
والمتغطي يبات عريان
والمحتاج يسند علي غيره
وإللي معاه مستني كمان
عزة نفسك. إبقى عليها
دنيا وفيها الذل ماليها
خلي كرامتك فوق في العالي
و إوعى تكون جزمه في رجليها
ياسر مهدي عمرو
.png)
.png)
ليست هناك تعليقات:
إرسال تعليق