عادل النوبي يكتب.. الطوفان

 (الطوفان)...

ليه نتوه في خوفنا...

ظروفنا... مشاكلنا.....

نكتب.. نلاقي حروفنا...

مِنّا بتِشكيلنا....

سيبنا الحياة بينا...

تلعب تِشكلّنا....

وشوشنا في المرايات...

مكسوفة تحكيلنا....

ولما يجي الطوفان...

بيزيح مابيفرقش....

عاطل في باطل...

كله بيغرق ومابيلحقش...

بنتولد أبيض....

ومعجونين ببرَأة....

ويا خبر أبيض....

بنروح للشمال بجرَأة....

وندخل سكة التهييس...

من عمايلنا تلاقي إبليس...

يرجع تاني المدرسة....

يذاكر يفتح الكراريس....

ولما يجي الطوفان....

بيزيح مابيفرقش....

عاطل في باطل كله...

بيغرق ومابيلحقش....

كلمات.. عادل النوبي...

@Adil ElNoby