لح جيبك من آخر الدني
ولو صعبة
وإسأل عليك بالأماكن
السهلة والصعبة
ما أنا عاشق بالليالي المرة
والأيام الصعبة
قالوا حبيبك ساكن القمر
ما أنا والقمر من زمان
صحبة
شمسك غابت وطل الليل
والهوى خايف من العتمة
رحت الطبيب إسأل عن دوا
ولو مر الطعمة
لقيت الطبيب متلي منكوي
لا تسر حالته وقلبه مستوي
لا دوا عنده إلي
ولا وصفة
ما عادت معي تسهر النجمة
وحداني ومني تاهت البسمة
هونيك عصفور فرحان بغني
قلبي نار وهوي بالجنة
فرحني معك يا عصفور
جيبه لحبيبي طالت الغربة
قرب العصفور وصار يواسيني
بودني أنا بالهمس يراضيني
بعتله من ورودك شي باقة
يمكن يحن وترجع اللهفة
ويرسي قلبه ع شط الهوى
وبإيديك ترجع تمسك الدفة
ساكن القمر
بقلمي محمود عجور
.png)
.png)
ليست هناك تعليقات:
إرسال تعليق