جمال رمضان يكتب... خسرتك

 ( خسرتك )

خسرتك لأني وثقت في كلامك

خسرتك لاني عشقت سلامك

خسرتك لاني حلمت بهواك

وإتحملت العذاب في ملامك

خسرتك وده كان بعد تفكير

مع إني عشقتك وكنت بغير

أمشي وراك والا أستناك

انا كنت الاول بقيت الاخير

خسرتك لأنك كدبت عليا

وقلت انا ليك وإنت اللي ليا

لقيتك كلام في كلام وكلام

وإتعمدت إنك توريني الأسية

خسرتك بس ياريتني انساك

وأنسى إني شفت يوم هواك

إبعد تقرب خلاص دي النهاية

من النهاردة انا مش معاك

الشاعر

( جمال رمضان )