العيون السود.
عيونك سواد الليل غطاهن
فيهن بريق نجوم محلاهن
لا تبخلي بنظرة حب وحنين
سبحان ربي كيف سواهن
من حلاهن صلب الحجر بيلين
مسكين قلبي كيف ينساهن
عيونك جمال الكون بالتكوين
من كم سنه عم اركض وراهن
سرقوا جمال الليل مش تخمين
والخد فيكي جمال الورد اعطاهن
يا عيون اخذت العتمات بالتلوين
عيون المهى يا ناس بهواهن
حرقوا كياني ودق القلب تلحين
حتى خَفْقِ الْقَلبْ بالشوق غناهن
يارموش الهدب بالكحل معجونين
ربي خلقهن وللعشق خلاهن
كل الحلى في عيون مجتمعين
على قلبي انا يا ناس مغلاهن
لا تغيبي عني والبرد تشرين
بشعر بالدفا اوقات ملقاهن
حسين حمود
فلسطين القدس تجمعنا
.png)
.png)
ليست هناك تعليقات:
إرسال تعليق