مر الحياة
المر بجوفي بطعم الصدى
وصدى صوتي
راجع فتات محروق
ماهوش طالع
ساكن الحلق مخنوق
علته جوه ذقاق الغدر مذنوق
والغدر من الأحباب وجعه
لا ليه مثال
ولا يشبه وجع تاني
وألقاني مابين سهول وجبال
ماشية مجرورة بحبال الشوق
وأقول أصبرى بكرة تروق
ويعدى 100 بكرة والحال
علي ماهو
وألضم أوراق أيامي المنسيه
بخيط الندم الباكي
ونداكي يادنيا ساعات بيشدني
نورك عمى عيني ووصلني
لهلاكي
وقبل ما أبقي تراب ف الهوى
أبعد عن عيون البشر وأحاول
أنساكي
ترجعي من تاني تحني
لجل ما أرجعلك
تطبطي وترضيني
يرجعلك حنيني بشوق الايام
تضللي علي روحي
أرفع عيني علي ضلك
ألاقي شمسك بتكويني
وبسمتك الطيبه شرار
بيمحيني وسطور ورقتي
اتلخبطت وحروفها منسية
وأتلونت بدمي
غدرتك قوية
أصل حقيقتك يا دنيا
غوله ف توب حورية
وطريقي قرب علي نهايته
والوقت قرب ع الفراق
ضيف قربت تخلص حكايته
منال السويفى
.png)
.png)
ليست هناك تعليقات:
إرسال تعليق