مش هاجبرك
مش هاجبرك
ترسم مشاعرك ع السطور
ولا هالزمك
تحكى وجع مداريه بسور
لكن أنا باستعطفك
ترمى لى حفنة من الآلام
يوم علنى
أقدر أعوض يوم مكانها
بسيل شعور
يغسل مرار الذكرى فى حلق الزمن
ويحلى طعم الليل دهور
ترجع تدوق طعم الفرح
من بعد هجره الروح شهور
زايد عددها وطال سنين ..
مستنى نور
يكشف ضلام الحزن
فى كهف المحن
وأكون وطن
ترتاح على أرضه الخضار
من بعد بور
وارويك سرور
.png)
.png)
ليست هناك تعليقات:
إرسال تعليق