جنون الحب
مش هاين عليه يسأل
او حتى يجى ويسافر
فى نفس اليوم
مش هاين عليه يقرب
مليت خلاص من الوحده
وهى الواحده عايزه ايه
من الدنيا
غير ان تحس بحبيبها
وحش الكون
روح مش عايزه سؤلانك
كرهت الدنيا علشانك
انا محتاجه احس بأنى إنسانه
محسسني كأنى فى كون
وانت فى كون
كرهت العيشه اللى عايشاها
انا حسه كأنى سجينه
بدون قيمه
فى بيت فرعون
انا إنسانه لحم ودم ومشاعر
نفسى احس بوجودى
فى ذات الكون
تعبت خلاص
ومش لاقيه ولا حاسه
بأى قبول
كأنى كتاب فى مكتبتك
سنين مركون
ابعد عنى مش عايزه
اشوفك حتى فى احلمى
بعد ماكنت فارسها
ابعد عنى مش ناقصه
خلاص مررت ايامى
كفايه جنون
كلمات بقلم الشاعر الغنائي دكتور/ عادل عبد المعز محمود ماضى
جمهورية مصر العربية
.png)
.png)
ليست هناك تعليقات:
إرسال تعليق