لا حايك لا ثياب
ميمتي طل علي من شق الباب
ريحه تسل بين الحايك والنقاب
خلاني طاير مهلوس بلا حجاب
مرادي فيه نساني لحيا والعقاب
تكتببلية الهوى والشوق ماعليها بواب
تخيم فين بغات وتعاكس المكتاب
تقيد نارها فيك بلا فحم ولاحطاب
تخليك مفضوح بين لأهل والحباب
يا تصبح محبوب ومهذب يا تساب
ميمتي راني وليت للغرام طلاب
حنو من سقاي قبل ما يولي جاري فتراب
نجمع حق العاشق والمغروم لي خاب
الجافل يتبعني بالحجر يقول هاذا راه نصاب
والحافل يقول قلبي عند هادا يتصاب
ذنبي بغيتكم تكونو لي غيث ومني قراب
راني فسبيل لهوى وليت ندبدب بلا ثياب
سلوى ولد المهدي
.png)
.png)
ليست هناك تعليقات:
إرسال تعليق