سنين فاتت
سنين فاتت وراها سنين
وجوه القلب شوق وحنين
وانا المشتاق ياضى العين
سنين فاتت وصبرى طال
مابين غنوه وبين موال
يمُر الوقت كانه خيال
سنين فاتت وقلبى بعيد
وشوق اليك يوماتى يزيد
تعب قلبى من التنهيد
سنين فاتت ياروح قلبى
وأنا محافظ على حبى
فراقنا ياحبيب الروح
ده ذنبك والله مش ذنبى
سنين فاتت وانا بهواك
تغيب عنى وقلبى معاك
تخاصمنى وانا اترجاك
تعود للعش من تانى
تبدد ليا احزانى
ياساكن فى حنايا الروح
وساكن كل وجدانى
شعر أحمد اسماعيل/ شاعر العرب
.png)
.png)
ليست هناك تعليقات:
إرسال تعليق