( إسمع يا قلبي )
يا قلبي لو لسة إنت قلبي خدلي بتاري
الذنب مش ذنبي انا وإنت كنا بنداري
تكدب عليا مرة وأكدب عليك مرة
لما هجرنا الهوى حسينا إن نارك ناري
إيدك في إيدي يا قلبي لو يرجع تاني
إوعاك تقوله ياسيدي معلش علشاني
سيبه يا قلبي ولا تعرفوش سيبه
يرجع ويدلع ويهجر ينساك وينساني
أدوس عليك ياقلبي وأبعد عند بعيد
ماتكونش نقطة ضعفي ده مش هايفيد
أرميك في اي مكان يا قلبي
وأرجع تاني زي زمان حديد في حديد
إوعى يا قلبي يقولك كلام من اللي هو
أصل كلامه الحنين بيخش جوة جوة
إجمد يا قلبي وأنا وياك ومش هنساك
يرجع ويرجعلنا تاني من غير قوة
الشاعر
( جمال رمضان )
.png)
.png)
ليست هناك تعليقات:
إرسال تعليق