( كنت إيه )
تعاملني زي انا ما بعاملك
تغضب احلف ما انا مجاملك
أنا خلاص مش زي زمان
إتعلمت الدرس من عمايلك
أنا زيي زيك تمام عندي كرامة
لو كبرياءك يمنعك مع السلامة
تصالحني مرة اصالحك التانية
تجرحني مرة انا أجرحك ياما
معلش آسف وغصب عني كمان
انا ما بقتش أنا اللي عرفته زمان
الحب كان وكان وكان وكان
وإنت السبب خليتني انا ندمان
افكرك كنت بقولك شبيك ولبيك
وكنت أدوخ لو عيني في عنيك
كنت بحبك أوي وكمان اوي
وكنت بشتاق لنظرة من عنيك
الشاعر
( جمال رمضان )
.png)
.png)
ليست هناك تعليقات:
إرسال تعليق