غنت جميلة
---------
غنت جميله وقالت
بأسم الاله ألقادر ألواحد ألقهار
احكي حكاية ألهويات ألحمره للاحرار
قعد ألحاكم ألعسكري بديوان ألمختار
بعد نكبتنا ويلي جرى وشو صار
قال أكتب
هوية حمره للي يطيع الامر بهالدار
قضية بقاء مؤقت مرفق بأنذار
سمعوا ألشيوعية وغلي الدم وفار
هذا وطنا أسمعوا يا حضار
ويا حاكم ويا مختار
نحن نرفض هويتكم
وهذا اخر ألقرار
وصل رسالتنا لأبن غريون
نحن العرب ما نرضى بهذا العار
وقف ابن نقارة بالجد والاصرار
وجاب ألهوية الزرقا للكبار
البعنه تبقى سند وعز وافتخار
حمره صفحتها..وبتكمل ألمشوار
وبنهضة شبابها بغياب القياده اشعلوها نار
فلسطين قضية شعبنا
ما بنسوا هالصغار
والاقصى يا مسرى الرسول بأستبشار
وغزة عصية..عزيزة النفس ما بتنهار
تعالوا نعيش سوا
نضوي ظلمتنا بالانوار
أيدي بأيدك سوا انزيل هالاكدار
نحافظ على السلم والجار يحب الجار
والقدس تبقى عاصمة فلسطين
ع مدى الادهار.
ملاحظه: جميلة هي فتاة وطنيةشاعرة اخت الشاعر الشعبي سعيد عابد من سكان البعنه، عاشت فترة نكبة شعبنا عام ٤٨
جميله حسين احمد عابد
تيتي ام عباس التي قالت وغنت..
طارت طياره من فوق الليه
الله ينصركوا يا شيوعيه
حنا نقاره جاب الهوية
غصب عن رقبة ابن غريونا
بقلم: الاعلامي علي تيتي
البعنه6-6-2021
.png)
.png)
ليست هناك تعليقات:
إرسال تعليق